hefur frá 1997 veitt ráðgjöf vegna efnavöru (REACH, CLP) og gert öryggisblöð (MSDS), öryggisleiðbeiningar, varnaðarmerkingar og merkimiða fyrir fyrirtæki í framleiðslu, innflutningi og dreifingu slíkra vara. Sérhæfðar og tæknilegar þýðingar og lyfjaþýðingar (SPC, PIL) hafa einnig verið ríkur þáttur í starfseminni. Öryggismál og forvarnir á vinnustöðum eru ásamt umhverfismálum vaxandi þættir.

Góð þjónusta er og hefur verið aðalsmerki okkar frá upphafi. Góð þekking á regluverki fyrir efnavöru og ráðgjöf og aðstoð við sem flesta þætti (lögbundinnar) upplýsingagjafar og merkinga eru þættir sem alltaf er keppt að. Rétt og vönduð upplýsingagjöf dregur úr kostnaði og getur fækkað slysum!

EFNAVERND ehf. er viðurkennt af Vinnueftirliti ríkisins sem "Þjónustuaðili með áherslu á öryggi, slysahættu og efnamengun á vinnustöðum."

Ráðgjöf

REACH, CLP, samskipti við eftirlitsaðila.
Ráðgjöf vegna inn- og útflutnings skráningar- og merkingarskyldrar vöru.
Merkingar og meðferð hættulegra efna og eiturefna.
Leyfisumsóknir fyrir eftirlitsskyld efni.
Öryggi á vinnustöðum; greining og hættumat, forvarnir, slysavarnir, öryggisskýrslur.

Öryggisblöð og varnaðarmerkingar

Gerð öryggisblaða á íslensku fyrir innfluttar vörur og framleiðsluvörur.
Gerð öryggisblaða á öðrum tungumálum fyrir útflutning.
Vöktun og uppfærslur vegna breytinga á öryggisblöðum.
Varnaðarmerkingar fyrir alla efnavöru.
Vöktun merkingarskyldu á lager.

Þýðingar, textagerð og prófarkalestur

Textagerð, önnur textavinna og tæknilegar þýðingar úr ensku, dönsku, norsku og sænsku.
Umsjón með þýðingum af öðrum tungumálum.
Þýðingar lyfjatexta.
Prófarkalestur.

Umbúðamiðar, upplýsingablöð, bæklingar, aðvörunar- og leiðbeiningarspjöld, skilti, merki, og annað prentefni

Uppsetning, útlitshönnun og prentun límmiða og annarra vöru- og fylgimiða. Uppsetning texta og útlitshönnun blaða, bæklinga, veggspjalda og skilta með texta og myndefni. Öll hættu-, varnaðar- og vottunarmerki skv. íslenskum reglugerðum og tilskipunum ESB.